Հապա Եթէ աշխատանոց
Միասին մարմնային եւ յանկարծաբանական խաղերէ մեկնելով, ստեղծարար ընթացք մը պիտի վայելենք։ Երեխաները պիտի որոշեն թէ ուր պիտի երթայ այս աշխատանոցը։ Կարելի է գծենք, կամ շարանկար պատրաստենք, խօսինք, գաղափար յղանանք, փորձենք, վերլուծենք… Անոնք կ՚ըսեն, մենք կ՚ուղեկցինք։ Ուր որ երթանք, մեզի կը հետեւին մեր խաղերը։
Ձայնաշխարհ
Միաձայն երգեցողութեան աշխատանոց. ձայնեղանակներու աշխարհին յատուկ մօտեցումի մը փորձ Վերժին եւ Արամ Քերովբեաններուն հետ։
Մշակութային փոխանցումը Սփիւռքի մէջ
Սփիւռքի զանազան գաղութներուն մէջ արեւմտահայերէնի մշակութային փոխանցումը ինչպէ՞ս կ՚իրականանայ։ Կը խօսինք Լիոնէն Մելինէ Բարսեղեանին եւ Աթէնքէն Քուին Մինասիեանին հետ։
Գրադարաններու հանդիպում
Հայերէն հաւաքածոներ ունեցող գրադարաններ եւ արխիւներ քով քովի կու գանք քիչ մը ծանօթանալու եւ համագործակցութեան եզրերը քննարկելու։
Բանաւոր պատմութեան աշխատանոց երիտասարդներուն հետ
Բանաւոր Արեւմտահայ մշակութային ժառանգութիւնը փաստագրելու եւ փոխանցելու նպատակ ունեցող բանաւոր պատմութեան նախաձեռնութիւն մըն է։ Աւանդական ուտեստներու բաղադրատոմսերու, խոհանոցային պատմութիւններու եւ սովորութիւններու միջոցով հաւաքական յիշողութիւնը կը հաւաքենք բանաւոր պատմութեան աշխատանքներու միջոցաւ։ Այս աշխատանոցի ընթացքին պիտի ծանօթանանք թէ ինչպէս կրնանք մեր շուրջի պատմութիւնները հաւաքել եւ արձանագրել։
Աննման տղոց աննման քարով աշխատանոց
Մանկապատանեկան դասագիրքերով ծանօթ Գարին Քօչը առաջին եւ երկրորդ դասարաններուն հետ իր Աննման քարը գիրքին վրայ պիտի կատարէ աշխատանոց մը Եսայեան միութեան մէջ։
Արեւմտահայերէնի շրջապտոյտ
Արեւմտահայերէնի պատմութիւնը կը փնտռենք Ղալաթիոյ եւ Փերայի փողոցներուն մէջ։
Կը հարցնեմ ձեզ… Քաղուածքներ
Երգիրք համախմբումը, որ երաժշտութեան եւ գրականութեան ստեղծարար աշխատանքներ կը կատարէ, Լեւոն Զաւէն Սիւրմէլեանի (1905, Տրապիզոն – 1995, Լոս Անճելըս) «Հարց կու տամ ձեզի, տիկիններ եւ պարոններ» ինքնակենսագրական վէպը՝ թրքերէն եւ արեւմտահայերէն թարգմանութիւններով, ձայնագիրքի ձեւաչափով արձանագրած եւ անցեալ Նոյեմբերին թուային հարթակներու վրայ հրապարակած էր։ Երաժշտական վէպի մը ձեւաչափ ունեցող ձայնագիրքին մէջ, վէպէն մեկնած երաժշտութիւններն ալ տեղ […]
Զում հանդիպում – Յուշամատեանին հետ
Յուշամատեանի հիմնադիր ու վարիչ՝ Վահէ Թաշճեանին հետ առցանց հանդիպում պիտի ունենանք զրուցելու համար զանազան նիւթերու շուրջ, ինչպէս կայքէջին անցեալը, ներկան, մարտահրաւէրները, գործընթացը եւ այլն։
Յետաձգուած – Փիլիսոփայենք երիտասարդներուն հետ
Այս աշխատանոցի ընթացքին, Արամեան Սանուց Միութեան երիտասարդներուն հետ շրջանակ մը պիտի կազմենք եւ պիտի փիլիսոփայենք։ Նիւթի մը շուրջ հարցումներ պիտի հարցնենք, միտք պիտի բանեցնենք, պատասխաններ պիտի փնտռենք եւ այս պատասխաններէն նոր հարցումներու հասնելու պիտի ջանանք։