Երկար տասնամեակներ եղած է պոլսահայ թատերական եւ ընդհանրապէս մշակութային կեանքի մղիչ ուժերէն։ Մաս կազմած է կարեւոր շարժումներու, ներդրում բերած է կարեւոր ծրագիրներու, որոնց շնորհիւ պոլսահայ թատրոնի աւանդութիւններն ու նախընթացները հասած են մինչեւ մեր օրերը։ Կ՚աշխատի զանազան ծրագիրներու մէջ եւ կը հասցնէ նոր սերունդէ դերասաններ, որոնք եւս, իրենց հերթին, կենսունակութիւն եւ թարմ շունչ կ՚ապահովեն պոլսահայ թատերական կեանքին համար։

Ծնած է 1989ին, ուսանած է ընկերաբանութիւն, դերասանութեան ուսումը ստացած է Պահչէշէհիր Համալսարանէն։ Մաս կը կազմէ եւ վարչականներէն է պոլսահայ Յանկարծ թատերական խումբին։ Որպէս ձայնաւորող կ՚աշխատակցի զանազան ծրագիրներու եւ դերասան կամ բեմադրիչ է բազմաթիւ ներկայացումներու եւ թատրերգութիւններու։