Զաքարիա Միլտանօղլուն ճարտարապետ եւ հետազօտող-գրող մըն է, որ ծանօթ է թէ՛ մշակութային ժառանգութեան պահպանման ուղղուած տարբեր վերականգնման ճիգերով եւ թէ պատմական հետազօտութիւններով։ Անձնական արխիւին մէջ կը գտնուին անոր ճարտարապետական ասպարէզին կարեւոր հանգրուանները ներկայացնող փաստաթուղթեր եւ գծանկարներ, անոր ուսումնասիրութիւններուն հիմք ծառայած պարբերաթերթեր եւ աշխատանքային նշումներ, ինչպէս նաեւ անոր մասնակցած հասարակական պայքարներու յուշեր կրող փաստաթուղթեր։