Դարերէ ի վեր զանազան քաղաքակրթութիւններու տուն եղած Իսթանպուլի բազմաշերտ մշակութային տարածքը կը պտտինք խոհանոցներու ընդմէջէն… «Իսթանպուլի սեղանը» վաւերագրական ֆիլմը, հայ, յոյն, հրեայ եւ այլ համայնքներու խոհանոցային աւանդութիւններէն մեկնելով՝ քաղաքին անտեսանելի պատմութիւնները կը փոխանցէ հանդիսատեսին։ Մայրենի լեզուներով փոխանցուած պատմութիւններու միջոցով թէ կը հանդիպինք ճաշասեղանի մը շուրջ, եւ թէ վկան կ՚ըլլանք Իսթանպուլի այլ պատմութեան մը։
🌿 Ցուցադրութենէն ետք պիտի զրուցենք Թագուհի Թովմասեանի եւ ճաշագիտութեան մշակութաբան եւ պատմաբան Մերին Սեւէրի հետ։
